A propósito de Entrecómics

Aquí en español.

Esta semana un pequeno terremoto sacudiu os alicerces da comunidade da banda deseñada en internet, o peche da web de Entrecómics. Tan mala nova, coma a priori, inesperada.

Entrecómics remataba de cumprir dez anos, neste tempo fíxose unha das webs de cabeceira de calquera seareiro da BD, bo contido e bos colaboradores, deseño moderno e razoablemente ben actualizada. Porén hai que entender que o mundo da internet é así, multiplica exponencialmente a velocidade da vida real, todo vai máis rápido na rede, moito máis, uns proxectos morren pero nacen outros, porque claro está a rede brinda unha oportunidade “de la hostia” para facer cousas que aos que vivimos nun mundo pre internet tennos tan marabillados como asustados. Seguir lendo

Os gañadores dos Premios Eisner 2016

eisnerawards_logo_12-Metrópoles DelirantesOnte a noite falláronse os premios máis importantes da bd norteamericana, David Aja gañou o seu quinto premio, desta volta como mellor portadista, tamén destacamos o premio á mellor colorista que gañou Jordie Bellaire, a colorista do Pretty Deadly da nosa Emma Ríos. Seguir lendo

Test Delirante – Diego Giráldez

Diego Giráldez - Metrópoles Delirantes

foto: María Díaz

Diego Giráldez é un xornalista e escritor galego, colaborou como columnista de opinión en varios xornais e fixo reportaxes culturais para a edición galega de El País, na actualidade escribe no diario Praza Pública, na revista Luzes e dirixe o CanZine, publicación oficial do Festival de Cans.

Gañou varios premios literarios, entre eles o primeiro accésit do Certame Nacional de Narracións Breves Modesto R. Figueiredo o ano pasado e neste 2016 o Certame Manuel Murguía de narracións breves.

Ven de publicar Galeria de Saldos, un imprescindíbel libro de relatos coa arte como trasfondo.

1-Cal é o teu cómic preferido.

Mortadelo y Filemón Contra el “gang” del “Chicharrón”. Seguir lendo

Premios do 14º Certame de Cómic de Cangas

Premiados Cangas 2016-MetropolesDelirantesXa coñecemos os nomes dos premiados no décimo cuarto certame de cómic de Cangas, son:

  • Categoría A: Jorge Campos (Ilustratecto).
  • Categoría B: Ismael López Arias.
  • Viñeta xove: Gabriel Ferreiro.

Ademais, o xurado entregou un accésit a Sabela Álvarez en maiores de 18 anos e a Sara Portela e Alba González na categoría de 14 a 17 anos.

Chiisakobe gaña o Premio Asia 2016 da ACBD

Chiisakobe01O premio Asia da ACBD (Asociación francesa de críticos da BD) foi para a obra de Minetarô Mochizuki que se impuxo entre un grupo de cinco finalistas.

Este prestixioso premio, recoñece cada ano unha obra creada por un autor asiático, e publicada por unha editorial francesa. O xurado recoñece así o talento e o esforzo de Minetarô Mochizuki, que é quen de reflectir a alma da cultura xaponesa. Os cinco finalistas deste ano foron: Os nenos da balea (Glénat), Anguías demoníacas (Komikku), O Clube dos divorciados (Kana), Desafortunados homes novos (Ki-oon) e a vencedora Chiisakobe editada en España por ECC.

LogoACBD-AsiaChiisakobe conta a historia de Shigeji, xoven carpinteiro que nun incendio perde aos seus pais e a empresa de construción que posuían, o protagonista regresa ao fogar para retomar a empresa familiar, este regreso coincide coa chegada de Ritsu, amiga da infancia a que contrata coma asistente, e a dun grupo de nenos que escapan dun orfanato. Esta obra é unha versión libre dunha novela de Shûgorô Yamamoto ambientada no período Edo, que tamén tivo unha adaptación cinematográfica (Tomotaka Tasaka, 1962), Minetarô Mochizuki traslada a acción ao Xapón contemporáneo.

A Guerra Civil española en seis bandas desenhadas

Atila-Metrópoles DelirantesAtila de Inacio e Iván Suárez

Estamos en febreiro de 1938, Castelao era deputado pola Fronte Popular e acompaña ao goberno da República na retagarda en Barcelona. A xornalista  Magda Donato entrevista ao político (publicada no nº 32 do magacín Mi revista) mais a súa conversa é interrompida polo bombardeo da aviación fascista italiana, diríxense ao interior dun refuxio antiaéreo onde o continúan a entrevista e Castelao lembra anécdotas da súa infancia na pampa arxentina. Para ilustrar o texto, e como agasallo para ela, Castelao entrégalle uns debuxos do libro, Atila en Galicia, no que o artista quixo plasmar as atrocidades e a masacre que se está a cometer durante a guerra.

Cuarta entrega desta serie editada por Demo editorial que debería estar sen dúbida en tódalas bedetecas.

Vencedor y vencido-Metrópoles DelirantesVencedor y vencido de Sento Llobell

Sento Llobell é o autor da triloxía sobre Pablo Uriel, que remata con con Vencedor y vencido, o libro que pecha a triloxía que forma xunto a Un médico novato y Atrapado en Belchite,

Este conxunto de obras conta as vivencias de Pablo Uriel (sogro do autor), un médico recén licenciado ao que recrutan para ir ao fronte as forzas sublevadas e que logo é feito prisioneiro polos republicanos.
Unha serie de cómics ben interesantes que dan unha visión particular do conflito a través dos ollos dun home que aínda sendo de esquerdas foi mobilizado polo bando sublevado, que estivo en perigo de morte varias veces e que ao final como moitos outros foi vencedor e vencido dunha guerra na que realmente só gañou a barbarie do franquismo. Seguir lendo

Autobán 2016

Autoban 2015-Metrópoles DelirantesXa estamos preto das datas do Autobán, o festival que pretende recoller as propostas creativas de fora do circuíto comercial dándolles difusión e un espazo propio.

Este ano, o festival de auto edición coruñés será o venres 12 e o sábado 13 de agosto de 2016 e tódalas actividades serán na Nave 1839, situada na estación de trens de Coruña.

O venres 12, primeiro día, será a inauguración do festival cunha breve presentación seguida dunha serie de actividades, para rematar co Autobombo, unha serie de rápidas presentacións a cargo dos participantes no mercadiño que queiran dar difusión ao seu proxecto. O sábado será a xornada máis completa co mercado de fanzines e auto publicacións, charlas e o Combate de debuxantes que pechará o Autobán.

A participación nestas actividades é libre e de balde.

dar cabida ás propostas de BD auto editada, pero tamén a pequenas iniciativas editoriais de corte independente e a propostas de auto edición relacionadas coa creación gráfica.

Aínda que no festival pretenden incluír todas as iniciativas, o espazo é limitado emporiso hai unha selección seguindo criterios o máis obxectivos posible. Si queres apuntarte terás que cubrir este formulario de inscrición.

O prazo para inscribirse remata ás 23:59 horas do luns 25 de xullo de 2016.