A Vila dos Debuxantes do Norte

PORTADA A VILA dos debunates do NORTE por KOHELL

Portada de Kohell

Os alumnos do curso profesional de bd e ilustración da escola O Garaxe Hermético van presentar no Salón Viñetas desde o Atlántico da Coruña o cómic “A Vila dos Debuxantes do Norte” un libro recompilatorio de 64 páxinas a toda cor con 26 historias feitas polos alumnos de primeiro e segundo curso e coordinado por Kiko da Silva.

Tratase dun conxunto de historias curtas entrelazadas nas que se contan as vidas dun grupo de autores de banda deseñada que viven na vila dos debuxantes do Norte. A capa do libro é obra de Kohell, mestre da escola, e tamén inclúe un texto de Kiko da Silva. Presentarase o venres día 8 de agosto as 18,30 horas, na carpa da “RÚA DA BD”.

exemplos

Algunhas páxinas dos alumnos Zé Nuno Fraga, Dani Corrada e Inés Ramallal.