Convocado o Certame Benito Losada de Banda Deseñada 2015

bdAs Xornadas de Banda Deseñada de Ourense convocan o Certame Benito Losada de Banda Deseñada, neste certame poderán participar, de forma individual ou colectiva as/os cidadáns con domicilio en Galicia, que non superen a idade de 35 anos antes do 1 de xaneiro de 2016.

Os traballos a presentar deben ser historias en cómic, en galego, de non máis de 8 páxinas e non menos de 5, con técnica e tema abertos. O prazo de presentación das obras remata o 10 de setembro de 2015 ás 24 horas.

Premios:

Establécense dúas categorías:

Categoría A
Para os participantes maiores de 17 anos (cumpridos antes do 1 de xaneiro de 2016).
– 1º premio de 900 euros.
– 2º premio de 300 euros.

Categoría B
Para os menores de 17 anos (cumpridos despois do 1 de xaneiro de 2016).
– 1º premio de 300 euros.

En caso excepcional o xurado poderá declarar deserto algún dos premios.

Aquí as bases do certame.