Arquivo da categoría: Festivais

Gañadores dos Premios da BD Portuguesa – Amadora BD

Melhor Álbum Português

  • Deserto /Nuvem de Francisco Sousa Lobo (ed. Chili Com Carne).

Melhor Argumento para Álbum Português

  • Francisco Sousa Lobo, Deserto /Nuvem (ed. Chili com Carne).

Melhor Desenho para Álbum Português

  • Amando Baeza, Bruma (ed. Chili com Carne).

Sigue lendo

Demo Editorial levará 75 títulos galegos ao Graf Cómic de Madrid

Que Manel Cráneo é un dos santiños que máis devocionamos nas metrópoles xa o sabedes todas pero e que sen Demo editorial a BD galega estaría moi coxa.

A editora coruñesa é un motor da creación e un importante apoio para a nova BD galega. Este ano lanzou a nova colección BDG13, unha serie de antoloxías monográficas de sinaturas galegas estreada co título Licor café no pasado mes de agosto, un título xa imprescindíbel que reune a 13 autores da Nova banda deseñada galega.

Agora, seguindo con esta liña de apoio á creación do país, Demo Editorial leva ao GRAF de Madrid, onde estará presente cun stand, máis de medio centenar de fanzines e títulos autoeditados en galego e castelán que deste xeito terán presenza no festival madrileño. A editorial galega destinará o 50% do seu espazo á venta a apoiar a autores e autoras de banda deseñada emerxentes do panorama galego baixo o nome de “NOROESTE BD. Cómic desde Galicia” e non cobrará custos de aluguer nin persoal comercial e o importe íntegro das ventas irá aos seus autores, o selo editorial coruñes pretende así afianzar a súa línea de apoio e promoción ás novas xeracións da BD galega. Sigue lendo

28º Festival Internacional de Banda Desenhada da Amadora

Comezou o Festival Internacional de Banda Desenhada da Amadora, que decorrerá ata o 12 de novembro. A exposición central que está comisariada pola xornalista Sara Figueiredo Costa e foi feita en colaboración có Museo de BD de Angoulême, leva por titulo “Contar o mundo: A reportagem em banda desenhada”. Amais desta, tamén hai outras mostras, como a que reflicte a presenza da BD portuguesa no mercado norteamericano ou a do brasileiro Marcello Quintanilha e a ilustradora Joana Estrela.
O autor português destacado nesta vixesimo oitava edición é Nuno Saraiva, que levou o premio de melhor álbum portugués de banda desenhada de 2016 polo libro Tudo Isto é Fado. Saraiva é tamén o autor do cartaz desta edición e ten unha exposición retrospectiva que resume 30 anos de carreira.
O dia 4, dentro da programación do festival, anunciaranse os gañadores dos premios da BD portuguesa.

Sigue lendo

Nomeados aos Premios Carlos Giménez 2017

O evento anteriormente coñecido como Expocómic, que se celebra en Madrid, pasa a chamarse Heroes Cómic Con. Dentro do marco deste festival vanse entregar os premios Carlos Giménez de la Industria del Cómic Español.

Autobán 2017

Os vindeiros 11 e 12 de agosto celebrarase a edición de verán do Autobán, o festival coruñés de banda deseñada autoeditada. Medio cento de creadoras e creadores porán á venda as súas creacións neste encontro, que ademais contará con palestras, presentacións, edicións exclusivas, mostras e o célebre e xa tradicional Combate de Debuxantes.

O Autobán é unha cita inexcusable para os amantes dos fanzines e do cómic independente. Este ano amais dos nomes habituais do panorama galego, sumaranse promotores de proxectos autoeditados desde Portugal, Castela e Levante.

Este ano o festival terá dúas localizacións. Sigue lendo

Viñetas desde o Atlántico 2017

Hoxe foi presentada polo Concelleiro de Culturas da Coruña, José Manuel Sande a edición 2017 do Salón Internacional do Cómic Viñetas desde o Atlántico.

A vixésima edición do Viñetas será na Coruña entre o 7 e o 13 de agosto, como cada ano esta edición contará con convidadados nacionais e internacionais, a organización destaca a presenza do Premio Nacional de cómic 2016, Pablo Auladell e da exposición coa que se conmemoran os dez anos deste premio. Tamén haberá unha mostra adicada á banda deseñada Galega nos vinte anos do Viñetas, unha exposición retrospectiva que prometen será “conceptualmente novidosa”. No apartado das sedes, o festival medra e integra dous novos espazos, Afundación, da Obra Social Abanca, e a Fundación Barrié. Outra das novidades é o  espectáculo audiovisual: Black Dog, the dreams of Paul Nash, con Dave McKean.

Por primeira vez na historia do Salón, o cartel deste 2017 non lle foi encargado coma sempre a un dos convidados no 2016, senón a o autor galego, Das Pastoras, que xa asinara o de 2002, pero, en palabras do directo do festival, Miguelanxo Prado: “queriamos que o vixésimo cartel fose diferente, un que, na medida do posible, salientase dentro desa magnífica colección que fomos xuntando neste tempo. O listón estaba alto, ben se pode comprobar na exposición de carteis que Viñetas leva cada ano á Torre de Hércules. Así que pensamos en pedirllo a DasPastoras, pola súa particularísima liña de traballo. O certo é que non dubidou en quedar co reto. E á vista está o resultado”. Sigue lendo

Autobom 2017

Este sábado 1 de abril celébrase o Autobom, un minifestival dedicado ao cómic autoeditado, será na Nave 1839.
Programación
16:30 – Sesión vermú con música e picoteo.
17:30 – AutoLab, os asistentes poderán participar en exercicios de cómic experimental e colaborativo.
18:30 – Mesa redonda sobre censura e liberdade de expresión con Alberto GuitiánLeandro Barea e Sekone moderado por Edu Maroño.
20:00 – Autocine,  proxección de catro curtas de animación independentes.
21:00 – III Akelarre Mutante, conciertos ilustrados de BravuBoy (Pulpiño Viascón) e Strikeback, debuxados por Sara Roca e Álvaro López respectivamente.