Arquivo da categoría: Manga

Otaku Bunka, nova revista de manga

Otaku-Bunka-Metrópoles DelirantesCoincidindo co Saló de Barcelona, editorial Panini ven de presentar  ‘Otaku Bunka’, unha revista centrada no manga o anime e a cultura xaponesa, na que tamén terán cabida o cosplay, o coleccionismo de figuras, o cinema e os videoxogos. A revista terá unhas 100 páxinas cun prezo de 6€.

No cento de páxinas de Otaku Bunka, atoparemos recensións, artigos de series anime, entrevistas a autores, opinión, etc. O investigador galego especialista en manga José Andrés Santiago é un dos colaboradores desta revista.

O primeiro número de Otaku Bunka saíu á venda na sexta 29 de abril (venres) en quioscos e tendas especializadas.

Tempo de piratas e ilustrados

Descubertas científicas, novos estilos e innovacións nas artes, mudanzas clave nas fronteiras, cambios sociais drásticos… o mundo no que nos movemos hoxe non podería entenderse sen todo o acontecido durante o século XVIII, onde atopamos as raizames da modernidade. O Século das Luces foi ademais un dos contextos históricos preferidos para a vertente máis aventureira da BD, grazas ós numerosos personaxes que se moveron entre fronteiras: a das vellas e novas ideas, a das leis e a marxinalidade. E as mesmas viñetas tamén nos achegan detalles relevantes e case descoñecidos sobre o pasado.

A piratería: reflexo do poder da navegación

O século XVIII é unha das idades douradas da navegación, sendo décadas con constantes combates no mar entre as diversas potencias europeas. Cinguidos a ese mundo en conflito destaca a figura do pirata, que agocha unha realidade complexa de diferentes tipoloxías (corsarios, bucaneiros, filibusteiros…) e obxectivos persoais.piratas01-metropoles-delirantes

O espírito das lendas arredor de figuras coma o capitán Roberts ou Anne Bone trasladáronse ó cómic en multitude de cabeceiras durante os anos cincuenta-setenta, e onde predominou unha visión romántica: asaltaban barcos sen ningún tipo de compaixón pero fascinaban ós lectores máis novos con guións que souberon empregar as mellores técnicas narrativas do folletín. Entre todas elas sobresae o Barbarroja de Charlier e Hubinon, publicada no semanario Pilote e que cos seus máis de corenta anos de percorrido serve para coñecer coas súas tramas boa parte da historia naval do momento. Seguir lendo

Os mil mundos da ciencia ficción

Partimos a pé cara un planeta máis alá / porque estamos máis que namorados da vida e do que somos, escribiu o gran Ray Bradbury nun dos seus poemas sobre a obsesión do ser humano polo descoñecido. Esa fascinación sobre o que supera as nosas fronteiras (xa sexan planetarias ou temporais), as posibilidades da tecnoloxía e a infinita variedade de consecuencias para a sociedade forman parte das raizames da ciencia ficción, un xénero sen límites tamén na banda deseñada.

Se no ámbito literario Verne ou H.G. Wells sentaron as súas bases no XIX, as publicacións pulpsciencefiction01 de comezos do XX supuxeron un antes e un despois para a ilustración e os cómics desta temática. Revistas coma Amazing Stories —con portadas que sempre paga a pena revisitar pola súa modernidade— ou Planet Comics, amosaron os perigos de viaxes interplanetarias e futuros distópicos. Nesta última publicación tamén destaca a presenza de pioneiras coma Fran Hooper, debuxando a Mysta of the Moon, unha protagonista feminina con amplos coñecementos científicos e cun papel activo que non se limitaba a agardar polo heroe.

Viaxes espaciais entre xornais

A relación coa prensa (a través de tiras diarias ou páxinas dominicais) foi vital nos primeiros anos do cómic de ciencia ficción, con Flash Gordon coma o exemplo máis representativo do impacto que podían ter as viñetas xa nos anos trinta. Entre as historias que desbordan unha complexa imaxinería de planetas e culturas diversas sobresae o traballo de Alex Raymond. Aínda así foi a etapa de Dan Barry cando se afondou no contexto científico do cómic (axudado por escritores e guionistas que dominaban o xénero, fornecendo as tramas de maior credibilidade).

Esta estreita relación cos xornais está presente noutras obras como Garth —na que se introducen as viaxes no tempo e as implicacións morais de alterar o pasado— ou Jeff Hawke – onde destacou o elemento dramático e a psicoloxía das personaxes sobre a acción, que predominaba noutras publicacións contemporáneas—. Seguir lendo

Comic Con Portugal 2015, Convidados e eventos de BD

comiccon-metropoles-delirantesOs próximos dias 4, 5 e 6 de Dezembro celebra-se a Comic Con Portugal em Porto, a convenção de Cultura Pop em Portugal, que ainda que aborda uma grande variedade de temas, você terá uma boa representação da Banda desenhado. O evento será na Exponor e totalizam 45 mil metros quadrados de área de Exposição coberta.

Os horários son:

  • Dia 4/12 – Abertura – 12h30 Encerramento: 22h00
  • Dias 5 e 6/12 – Abertura – 10h00 Encerramento: 22h00

Os convidados de banda desenhada som:

Brian Azzarello – Vencedor do prestigiado Prêmio Eisner em 2011, argumentista de renome com uma longa colaboração com a DC Comics, principalmente com a sua label Vertigo. Reconhecido internacionalmente Pela obra 100 Balas, desenvolvida em parceria com Eduardo Risso. Presente nos dias 5 e 6 de Dezembro.

Eduardo Risso – Ilustrador argentino com obra reconhecida no mercado da Banda desenhada norte-americana. Colaborador regular da Dark Horse Comics e da DC Comics, Eduardo Risso é vencedor do Prêmio Eisner, em 2001, pelo seu trabalho conjunto com Brian Azzarello, 100 Balas. Presente em todos os dias do evento. Seguir lendo

Ti, o manga e o anime, e Xapón

José Andrés, un bo amigo e colaborador das Metrópoles está na Universidade de Kyoto traballando e envíanos esta enquisa sobre o manga e o anime. Animádevos a participar neste estudo universitario.

https://www.soscisurvey.de/Manga/

A enquisa «Ti, o manga e o anime, e Xapón» forma parte dun Proxecto de Investigación Sociolóxico Internacional sobre cómic e animación xaponesa e os seus afeccionados. Un equipo de investigadores, baixo o nome de “Manga Network”, leva traballando dende o ano 2006 nun proxecto de análise comparativa acerca da imaxe e nocións que se teñen sobre Xapón, tanto entre afeccionados como non afeccionados do manganime en diferentes países. O obxectivo de esta investigación é comparar as experiencias e a especificidade do público de diferentes países sobre o manga e o anime, así como os seus coñecementos e opinións sobre Xapón. A enquisa está dirixida tanto a afeccionados coma a non afeccionados do manga e o anime en España, sen límite de idade. Xa se realizou con éxito noutros catro países europeos (Alemaña, Italia, Suíza e Francia) dando resultados sorprendentes.

O Investigador Principal deste proxecto é o Dr. Marco Pellitteri, un sociólogo italiano que actualmente desenvolve a súa actividade na Universidade de Kobe (Xapón). Este estudo conta co el apoio económico da JSPS (Japanese society for the promotion of science [Sociedade Xaponesa para a Promoción Científica]). O Dr. Pellitteri é autor de varias monografías sobre manga e anime en Europa, así coma de numerosos ensaios e artigos no ámbito da socioloxía. Para a posta en marcha en España conta coa colaboración de José Andrés Santiago, investigador da Universidade de Vigo, investigador pos doutoral invitado na Facultade de Manga da Universidade Kyoto Seika (Japón) e membro da ACDCómic (Asociación de Críticos y Divulgadores de Cómic de España).

La enquisa estará a dispor a partires do 15 de Outubro. Calquera que o desexe pode respostar á enquisa nesta ligazón: https://www.soscisurvey.de/Manga/

¡Animádevos a participar!

Unha viaxe ao Período Edo a través do manga

Hai certas culturas que sempre exerceron unha poderosa fascinación sobre a mentalidade occidental, xa sexa por seren totalmente contrarias á propia, pola súa filosofía ou polo engado das súas expresións artísticas. Xapón é o mellor expoñente desa atracción e todo o que chega dese lugar ó outro lado do mundo ten a forza do descoñecido.

O manga, unha das súas exportacións culturais máis fortes, converteuse co tempo nunha boa ferramenta para achegarse ao seu pasado, destacando a multitude de obras situadas na época Edo (1603-1868). Durante eses anos o shogunato Tokugawa pasou por diversas etapas —do esplendor inicial á crise que levaría á Era Meiji— e o cómic foi recollendo dende os seus inicios personaxes, paisaxes e costumes que forman parte do noso imaxinario sobre o país nipón.

O camiño do samurai

Se hai unha imaxe na que pensamos cando se nos fala do período Edo é a figura do samurai e  a estrita xerarquía social da que formaban parte. Boa parte do xénero de espada (coñecido como chanbara no ámbito do cine) está situado nesta etapa histórica, ofrecéndonos dende biografías de guerreiros famosos ata historias intimistas ou de carácter fantástico.

Gatsuma Gishiden: El honor del samurai, é unha lectura básica para achegarse á figura dos samuraicoñecidos guerreiros dun xeito máis realista, afastándose da visión romántica do bushido. En tempos de paz a súa adaptación á vida civil é difícil e destaca o último volume, onde se amosan acontecementos como as obras para controlar as inundacións en 1754 e as duras condicións de vida tanto dos samurai coma dos campesiños.

Pero a referencia por excelencia é El Lobo Solitario y su cachorro, na que podemos seguir o épico percorrido dun home para vingar á súa familia. As loitas internas dentro dos clans para achegarse ao poder xogan un papel fundamental, tamén a corrupción dentro do sistema, que se mestura coa vida das xentes de aldea, bordeis e asasinos, desvelando as raizames podrecidas que levarían ao derrubamento do shogunato no século XIX. Seguir lendo

Os mundos compartidos da Literatura e o Cómic

A literatura e o cómic manteñen unha relación longa e frutífera, con constantes influencias de ida e volta: mentres que a primeira aportou temas e personaxes sobre os que debuxar e experimentar dende a particular visión das viñetas, a BD serviu dende as súas orixes para crear lectores apaixonados, que cos anos ampliaron fronteiras con outros espazos narrativos como a novela ou a poesía.

Nesta relación, os autores de cómic souberon crear universos novos con esas herdanzas literarias —dende a Liga de los Hombres Extraordinarios de Moore e O’Neill, ate Hellboy e a súa conexión cos monstros atávicos de Lovecraft ou a inspiración da xeración Beat que se respira na quinta entrega de Blacksad, Amarillo—. Pero máis aló destas referencias, o papel dos propios escritores e as adaptacións de obras literarias ofrecen sempre material interesante ao que achegarse.

De profesión ‘crear obras universais e salvar o mundo’

O atractivo dos escritores podemos velo nas devanditas homenaxes ás súas criaturas ou no estudo das súas vidas e percorridos profesionais en múltiples biografías. Porén, unha das referencias máis socorridas é o emprego dos autores reais coma personaxes que se moven no mundo de ficción da BD.

sandman2

Poden servir como ferramenta para introducir temas como a procura da inmortalidade, nas que Shakespeare sempre é unha boa escolla. En Sandman aparece en varias ocasións, pero é na historia de El Sueño de una Noche de Verano cando Gaiman aproveita para afondar no papel que Sono —o inconsciente e o irreal—xoga no proceso creativo. Tamén hai presenzas menos filosóficas e realistas, coma o Jack London que coincide con Corto Maltés na guerra entre Xapón e Rusia. O seus diálogos achégannos á súa vida errante como xornalista en conflitos de medio mundo, que nos transporta aos caóticos comezos do século XX en cada unha das súas reflexións irónicas. Seguir lendo