Arquivo da categoría: Novela Gráfica

A Guerra Civil española en seis bandas desenhadas

Atila-Metrópoles DelirantesAtila de Inacio e Iván Suárez

Estamos en febreiro de 1938, Castelao era deputado pola Fronte Popular e acompaña ao goberno da República na retagarda en Barcelona. A xornalista  Magda Donato entrevista ao político (publicada no nº 32 do magacín Mi revista) mais a súa conversa é interrompida polo bombardeo da aviación fascista italiana, diríxense ao interior dun refuxio antiaéreo onde o continúan a entrevista e Castelao lembra anécdotas da súa infancia na pampa arxentina. Para ilustrar o texto, e como agasallo para ela, Castelao entrégalle uns debuxos do libro, Atila en Galicia, no que o artista quixo plasmar as atrocidades e a masacre que se está a cometer durante a guerra.

Cuarta entrega desta serie editada por Demo editorial que debería estar sen dúbida en tódalas bedetecas.

Vencedor y vencido-Metrópoles DelirantesVencedor y vencido de Sento Llobell

Sento Llobell é o autor da triloxía sobre Pablo Uriel, que remata con con Vencedor y vencido, o libro que pecha a triloxía que forma xunto a Un médico novato y Atrapado en Belchite,

Este conxunto de obras conta as vivencias de Pablo Uriel (sogro do autor), un médico recén licenciado ao que recrutan para ir ao fronte as forzas sublevadas e que logo é feito prisioneiro polos republicanos.
Unha serie de cómics ben interesantes que dan unha visión particular do conflito a través dos ollos dun home que aínda sendo de esquerdas foi mobilizado polo bando sublevado, que estivo en perigo de morte varias veces e que ao final como moitos outros foi vencedor e vencido dunha guerra na que realmente só gañou a barbarie do franquismo. Seguir lendo

Viñetas con orgullo

O 28 de xuño celébrase internacionalmente o Día do Orgullo LGBT, unha xornada entre festiva e reivindicativa dos dereitos da poboación lésbica, gai, bisexual e transexual, que conmemora os disturbios acaecidos en 1969 no bar Stonewall de Nova York, os sucesos que se consideran o inicio do movemento de liberación homosexual. Son, xa que logo, datas propicias para imbuírse do espírito desta comunidade e coñecela un pouco máis, e unha forma inmellorable de facelo é lendo (ou relendo) algunha banda deseñada de temática gai. A petición das Metrópoles, ofrézovos unha escolma con propostas variadas entre as que de seguro atoparedes algo que vos interese.

Stuck-rubber-baby-Metropoles DelirantesStuck Rubber Baby. Se cadra, o cómic que mellor captura a esencia do Orgullo é esta novela gráfica pioneira, que desde que apareceu se considera un pouco o Maus da comunidade homosexual. Mesturando os seus propios recordos con eventos históricos, o debuxante Howard Cruse, antigo editor da antoloxía Gay Comix, constrúe un relato iniciático ambientado nas décadas dos 50 e os 60 en Clayfield, unha vila ficticia do sur estadounidense inspirada na súa Alabama natal. O narrador da historia é Toland Polk, un home de 40 anos que bota a vista atrás para lembrar connosco os seus turbulentos anos de mocidade nese ambiente racista e opresor. Presenciaremos como foi progresivamente tomando conciencia e aceptando a súa identidade gai, e como acabou implicándose no movemento polos dereitos civís. Cun estilo menos caricaturesco do que lle coñeciamos, Cruse presta particular atención ao detalle nunha minuciosa posta en páxina repleta de información visual e diálogos naturalistas que nos transporta a unha época moito máis escura para as minorías que a actual e que nos fará apreciar todo o que se leva avanzado na loita a prol da tolerancia. Seguir lendo

Tempo de piratas e ilustrados

Descubertas científicas, novos estilos e innovacións nas artes, mudanzas clave nas fronteiras, cambios sociais drásticos… o mundo no que nos movemos hoxe non podería entenderse sen todo o acontecido durante o século XVIII, onde atopamos as raizames da modernidade. O Século das Luces foi ademais un dos contextos históricos preferidos para a vertente máis aventureira da BD, grazas ós numerosos personaxes que se moveron entre fronteiras: a das vellas e novas ideas, a das leis e a marxinalidade. E as mesmas viñetas tamén nos achegan detalles relevantes e case descoñecidos sobre o pasado.

A piratería: reflexo do poder da navegación

O século XVIII é unha das idades douradas da navegación, sendo décadas con constantes combates no mar entre as diversas potencias europeas. Cinguidos a ese mundo en conflito destaca a figura do pirata, que agocha unha realidade complexa de diferentes tipoloxías (corsarios, bucaneiros, filibusteiros…) e obxectivos persoais.piratas01-metropoles-delirantes

O espírito das lendas arredor de figuras coma o capitán Roberts ou Anne Bone trasladáronse ó cómic en multitude de cabeceiras durante os anos cincuenta-setenta, e onde predominou unha visión romántica: asaltaban barcos sen ningún tipo de compaixón pero fascinaban ós lectores máis novos con guións que souberon empregar as mellores técnicas narrativas do folletín. Entre todas elas sobresae o Barbarroja de Charlier e Hubinon, publicada no semanario Pilote e que cos seus máis de corenta anos de percorrido serve para coñecer coas súas tramas boa parte da historia naval do momento. Seguir lendo

“Os Vampiros” de Filipe Melo e Juan Cavia en Maio nas librarías

OsVampiros-Metrópoles DelirantesNo Metrópoles Delirantes 44 entrevistamos a Filipe Melo e Juan Cavia, autores que temos no nosso particular altar de santinhos, o caso é que falaram desta obra que estavam a rematar e mesmo adiantaram o argumento.

Agora por fim sabemos a data de apresentação de “Os Vampiros” que está marcada para 28 de maio, na Festival de BD de Beja, e, no dia seguinte, na Feira do Livro de Lisboa.

Com cerca de 250 páginas é editada, pela Tinta-da-China, e conta a história dum grupo de nove soldados portugueses destacados na Guiné-Bissau e que atravessa a fronteira para o Senegal, “para uma operação aparentemente simples”, que acabará por se transformar num pesadelo.

O argumentista Filipe Melo e o desenhador argentino Juan Cavia volvem a trabalhar juntos depois da exitosa trilogia de BD “As aventuras de dog Mendonça e Pizzaboy”. Os Vampiros” – cujo título remete para a canção homónima de José Afonso – e segundo afirmam os próprios autores “É uma reflexão sobre o subconsciente, sobre a guerra e sobre o medo”.

“Os Vampiros” é o fim de quatro anos de trabalho de pesquisa, e baseia-se “em mais de cinquenta horas de depoimentos e testemunhos de ex-combatentes” da guerra colonial passada em 1972, na Guiné-Bissau.

Os mil mundos da ciencia ficción

Partimos a pé cara un planeta máis alá / porque estamos máis que namorados da vida e do que somos, escribiu o gran Ray Bradbury nun dos seus poemas sobre a obsesión do ser humano polo descoñecido. Esa fascinación sobre o que supera as nosas fronteiras (xa sexan planetarias ou temporais), as posibilidades da tecnoloxía e a infinita variedade de consecuencias para a sociedade forman parte das raizames da ciencia ficción, un xénero sen límites tamén na banda deseñada.

Se no ámbito literario Verne ou H.G. Wells sentaron as súas bases no XIX, as publicacións pulpsciencefiction01 de comezos do XX supuxeron un antes e un despois para a ilustración e os cómics desta temática. Revistas coma Amazing Stories —con portadas que sempre paga a pena revisitar pola súa modernidade— ou Planet Comics, amosaron os perigos de viaxes interplanetarias e futuros distópicos. Nesta última publicación tamén destaca a presenza de pioneiras coma Fran Hooper, debuxando a Mysta of the Moon, unha protagonista feminina con amplos coñecementos científicos e cun papel activo que non se limitaba a agardar polo heroe.

Viaxes espaciais entre xornais

A relación coa prensa (a través de tiras diarias ou páxinas dominicais) foi vital nos primeiros anos do cómic de ciencia ficción, con Flash Gordon coma o exemplo máis representativo do impacto que podían ter as viñetas xa nos anos trinta. Entre as historias que desbordan unha complexa imaxinería de planetas e culturas diversas sobresae o traballo de Alex Raymond. Aínda así foi a etapa de Dan Barry cando se afondou no contexto científico do cómic (axudado por escritores e guionistas que dominaban o xénero, fornecendo as tramas de maior credibilidade).

Esta estreita relación cos xornais está presente noutras obras como Garth —na que se introducen as viaxes no tempo e as implicacións morais de alterar o pasado— ou Jeff Hawke – onde destacou o elemento dramático e a psicoloxía das personaxes sobre a acción, que predominaba noutras publicacións contemporáneas—. Seguir lendo

Residencia de novela gráfica na Maison des Auteurs 2016-2017

Maison des auteurs-Metrópoles DelirantesAcción Cultural Española (AC/E) e a Cité internationale de la bande dessinée et de l’image, coa colaboración do Institut Français de España, organizan unha residencia para un autor/a español de novela gráfica na Maison des Auteurs en Angoulême.

A residencia ten como obxectivo promover a creación no ámbito específico da novela gráfica. A persoa que resulte elixida gozará da residencia na Casa dos Autores (La Maison des Auteurs) de Angoulême (Francia). (entre decembro de 2016 e marzo de 2017).

A residencia inclúe.

  • Aloxamento nun piso de 3 habitacións a compartir con outro residente (dous dormitorios) no centro de Angoulême (electricidade, gas y agua por conta do residente).
  • Dispoñibilidade dun obradoiro (persoal ou colectivo) equipado de material de creación gráfica na Maison des Auteurs.
  • Un importe de 1.000 euros ao mes destinado a cubrir os gastos de manutención, transporte local, consumos de auga, gas e electricidade.
  • Billete de tren ou avión ida e volta en clase económica da cidade de residencia en España a París, así coma un billete de tren ida e volta de París a Angoulême. Datas de residencia de dicembro de 2016 a finais de marzo de 2017.
  • En ningún caso a estancia poderá ser fraccionada.

Seguir lendo

“Uxío Novoneyra, A voz herdada” consigueo de balde

Uxío Novoneyra-Metrópoles DelirantesAínda que non se publicita, podes conseguir o fabuloso libro Uxío Novoneyra, A voz herdada, debuxado por David Rubín e guionizado por Kike Benlloch de balde na libraría institucional da Xunta de Galiza.

O proceso é algo tedioso (mais non dificil) pois a páxina da libraría ten un sistema de pagamento que facilita pouco as cousas. Só hai que dar dous pasos, dar de alta unha conta de usuario e  pagar os gastos de envio. Podes facelo de forma telemática con tarxeta ou de forma presencial (facendo o ingreso nunha oficina e logo completando os datos na web).

PagoUxioNovoneyraO único que hai que pagar no caso deste libro son os gastos de envio, 2€ e unha comisión bancaria (como non) que no noso caso foi de 0,60€.

Este libro é unha obra moi singular e foi unha iniciativa vencellada ao Día das Letras Galegas do ano 2010 que foi adicado ao xenial poeta do Courel. Esta banda desenhada tivo un curto percorrido público e vive “secuestrado” no limbo dos almacéns das institucións, do que agora podemos rescatalo.

David Rubín escribía esto sobre o libro no seu blogue: “Kike e eu decidimos non centrar exclusivamente a obra na figura e obra de Novoneyra, senón que creamos como fío condutor do relato a un personaxe ficticio; Celestino, e contemplamos, ao longo da vida de Celes, dende a súa nenez nos anos 50 ata a súa vellez, neste 2010, a vida e a obra de Novoneyra. Mostramos ao poeta dende o punto de vista do lector, creamos unha historia ficticia pero emocionante para a través dela relatar a do poeta do Courel; real, viva.”

Entrevista de Edu Maroño aos autores.

Ligazón directa ao libro na Libraría Institucional.