Autobán 2017

Os vindeiros 11 e 12 de agosto celebrarase a edición de verán do Autobán, o festival coruñés de banda deseñada autoeditada. Medio cento de creadoras e creadores porán á venda as súas creacións neste encontro, que ademais contará con palestras, presentacións, edicións exclusivas, mostras e o célebre e xa tradicional Combate de Debuxantes.

O Autobán é unha cita inexcusable para os amantes dos fanzines e do cómic independente. Este ano amais dos nomes habituais do panorama galego, sumaranse promotores de proxectos autoeditados desde Portugal, Castela e Levante.

Este ano o festival terá dúas localizacións. Sigue lendo

Esenciais 2017 da ACDCómic (1º semestre)

A Asociación de Críticos e Divulgadores de Cómic elixe os  “esenciais” do primeiro semestre de 2017

Como cada ano por estas data a ACDCómic presenta a primeira quenda dos seus ‘Esenciais 2017’, unha selección de cómics coa que pretende fixar a atención sobre algunhas das obras máis destacadas entre as editadas en España. Son 25 novidades publicadas entre xaneiro e xuño de 2017, elixidas en votación por 53 dos integrantes da Asociación.

A selección contén una variada mostra do que ofreceu o mercado da banda deseñada no estado no que vai de ano. Porén, hai clásicos como ’Anarcoma’, de Nazario, ou ‘Siete vidas’, de Josep Maria Beà, ambos recentemente recuperados en novas edicións; e obras de autores españois tanto novos coma veteranos como ‘Un millón de años’, de David Sánchez, ‘Cosmonauta’, de Pep Brocal, ou a nova entrega de ‘Roco Vargas’ de Daniel Torres; tamén se incluen apostas de vangarda, como ‘Cortázar’, de Marchamalo e Torices, ou ‘Nuevas estructuras’, da galega Begoña García-Alén (Apa-Apa) . 

Da BD europea destacan títulos como ‘Arsène Schrauwen’, de Olivier Schrauwen, ‘De tripas y corazón’, de Pozla, ou a serie ‘Last Man’. Entre os americanos, ‘Poncho fue’, de Sole Otero, ‘The Wicked + The Divine’, de Kieron Gillen, Jamie McKelvie e Matt Wilson. Pola banda da BD asiática, destaca a inclusión por primeira vez dun título orixinario da República de Singapur, ‘El arte de Charlie Chan Hock Chye’, de Sonny Liew. Sigue lendo

Debuxos por sorrisos

Debuxos por sorrisos é unha iniciativa da Asociación Creativos en Acción, que con este  proxecto pretende recadar donativos para axudar a cubrir as necesidades básicas en  campos de refuxiados repartidos arredor de toda Europa. Moitos artistas aportan o seu arte, debuxos que se converteran mediante a solidariedade nunha gran axuda. Todo dun xeito transparente e correctamente auditado. Cada aportación chega de forma íntegra ao seu destino.

Cada debuxo que elixas, transformarase en axuda directa para un proxecto solidario nunha zona necesitada. Estufas para o frío inverno, mosquiteiras para o verán, lápises e cores para o cole…  Así de sinxelo. Así de doado. Así de solidario. Sigue lendo

Premios Eisner 2017

Como cada ano, no marco da Comic-Con de San Diego, veñen de entregarse os Premios Eisner. Nesta edición había ata sete nomeados de nacionalidade española, aínda que ao final só un acadou o premio, Gabríel Hernández Walta por The Vision.

Mellor historia curta

  • “Good Boy,” Tom King e David Finch, Batman Annual #1 (DC)

Mellor número único “One shot”

  • Beasts of Burden: What the Cat Dragged In, Evan Dorkin, Sarah Dyer,  Jill Thompson (Dark Horse)

Mellor serie regular

  • Saga,  Brian K. Vaughan e Fiona Staples (Image)

Sigue lendo

Primeira edición do Premio Literario de Novela Gráfica-Ciudades Iberoamericanas

A Unión de Ciudades de Capitales Iberoamericanas convoca a primeira edición do Premio Literario de Novela Gráfica-Ciudades Iberoamericanas que ten como obxectivo fomentar as expresións culturais que xiran en torno ás dinámicas da cidade.

Este é un resumo das bases:

Participantes

  • Poderán participar autoras e autores de calquera nacionalidade, maiores de 18 años.
  • As obras presentadas deben estar escritas en lingua castelá ou portuguesa, ser inéditas (non publicadas como libro, libro electrónico, en internet ou revistas) e non ter sido premiadas anteriormente.

Temática

  • As obras presentadas deberán estar ambientadas nas dinámicas urbanas, entendéndose éstas como as manifestacións que teñen lugar na cidade. Sigue lendo

As lecturas do Sr B: Escapar. Historia de un rehén

Aquí en español.

Ser refén é peor que estar na cadea

Guy Delisle é un deses autores que foi quen de saltar a barreira do cómic e chegar a lectores non habituais do medio, de feito é un deses que coñecen os plumillas culturetas que só escriben de BD tres veces no ano.

E isto quizais porque consideran que o feito de que autores como Delisle ou Joe Sacco mestures a BD co xornalismo implica un estamento que dignifica todo o que toca (salvando os seus propios traballos).

Mais tamén pode que sexa polo xeito que ten Delisle de contar as historias, a medio camiño entre o relato xornalístico e a comedia de Berlanga que el sabe mesturar nas proporcións precisas en cada un dos seus libros. Tamén, talvez, porque embaixo da capa de sarcasmo e trazo sinxelo e caricaturesco hai un sólido narrador dispara con certeira seta. Sigue lendo

Viñetas desde o Atlántico 2017

Hoxe foi presentada polo Concelleiro de Culturas da Coruña, José Manuel Sande a edición 2017 do Salón Internacional do Cómic Viñetas desde o Atlántico.

A vixésima edición do Viñetas será na Coruña entre o 7 e o 13 de agosto, como cada ano esta edición contará con convidadados nacionais e internacionais, a organización destaca a presenza do Premio Nacional de cómic 2016, Pablo Auladell e da exposición coa que se conmemoran os dez anos deste premio. Tamén haberá unha mostra adicada á banda deseñada Galega nos vinte anos do Viñetas, unha exposición retrospectiva que prometen será “conceptualmente novidosa”. No apartado das sedes, o festival medra e integra dous novos espazos, Afundación, da Obra Social Abanca, e a Fundación Barrié. Outra das novidades é o  espectáculo audiovisual: Black Dog, the dreams of Paul Nash, con Dave McKean.

Por primeira vez na historia do Salón, o cartel deste 2017 non lle foi encargado coma sempre a un dos convidados no 2016, senón a o autor galego, Das Pastoras, que xa asinara o de 2002, pero, en palabras do directo do festival, Miguelanxo Prado: “queriamos que o vixésimo cartel fose diferente, un que, na medida do posible, salientase dentro desa magnífica colección que fomos xuntando neste tempo. O listón estaba alto, ben se pode comprobar na exposición de carteis que Viñetas leva cada ano á Torre de Hércules. Así que pensamos en pedirllo a DasPastoras, pola súa particularísima liña de traballo. O certo é que non dubidou en quedar co reto. E á vista está o resultado”. Sigue lendo