Arquivos da etiqueta: Premio Castelao de BD

MD74 – Emilio Fonseca

Comezamos esta emisión a todo filispím, co Sr B e as novas da BD. Zapi volve ata as metrópoles para falar dos fillos de Victor Mora, nesta emisión dos tebeos xurásicos Jabato, o Corsario de Hierro e o Cosaco verde. Emilio Fonseca e o autor de Fóra de mapa, a obra gañadora do último Premio Castelao de Banda desenhada. Rematamos con Javi que ven dende a libraría A Gata Tola de Compostela cos libros máis interesantes.

As músicas desta emisión son:

  • Bonaparte – Fuck Your Accent.
  • Earth, Wind & Fire – Boogie Wonderland.
  • Chicharrón – Contra acantilados.

Emilio Fonseca gaña o XI Premio Castelao de Banda Deseñada

Emilio Fonseca Martín é o gañador do XI Premio Castelao de Banda Deseñada da Deputación da Coruña coa obra “Fóra de mapa”, o xurado destacou a necesidade de abrir unha nova liña destinada a público infantil e xuvenil.

O xurado desta edición estivo composto polos autores Miguelanxo Prado, Juan Díaz Canales e Jorge González Varela e presidido por Goretti Sanmartín, responsábel da área de Cultura da Deputación.

O xurado apreza en “Fóra de mapa” unha obra de gran ambición “cun guión rico, ben documentado e estruturado; un debuxo eficaz con moi bos recursos expresivos e bo tratamento da imaxe que provoca unha lectura fluída e engaiolante”.

Salienta tamén a calidade da obra finalista “Terra incógnita”, na que destaca o “interese da historia e as solucións gráficas empregadas”, polo que recomenda a súa publicación.

O xurado tamén recomendou a creación dunha nova categoría para banda deseñada destinada ao público infantil e xuvenil. A responsábel da área de Cultura da Deputación, Goretti Sanmartín, valorou especialmente esta proposta que contribuiría a crear novo público lector de banda deseñada na nosa lingua.

Emilio Fonseca Martín (Ourense, 1978), reside en Barcelona e é licenciado e investigador en Comunicación Audiovisual pola Universidade Complutense de Madrid. Ten traballado no ámbito do vídeo, a animación, a ilustración, páxinas web ou recursos educativos e artigos de investigación e fundou, xunto a Xiana Gómez-Díaz a produtora audiovisual Walkie Talkie Films. Dirixiu o documental “Queimar o monte”, sobre os incendios forestais en Galicia e partipou tamén no proxecto de cooperación española Chaco Ra´anga, para o que realizou o cómic “Verde Invisible”, sobre o Gran Chaco latinoamericano.

Convocado o XI Premio de banda deseñada “Castelao”

Deputación Coruña-Metrópoles DelirantesMáis un ano a Deputación de Coruña convoca o seu premio de Banda deseñada, desta volta, e sorprendentemente, con menos prazo do habitual e introducindo unha nova cláusula que impide publicar a obra ata que o faga a propia institución.

Facemos unha escolma das bases:

  • Poderán participar todas as persoas, maiores de idade, de calquera nacionalidade, que non fosen premiados neste certame nos catro anos anteriores a éste, e que presenten obra escrita en lingua galega, inédita e non premiada.
  • As obras presentadas poderán ser escritas e debuxadas, cada unha delas, por un máximo de dúas persoas autoras (unha como guionista e outra como debuxante).
  • Establécese un premio único dotado con 6.500 €.
  • A Deputación, que publicará a obra premiada, reservarase os seus dereitos de edición durante un prazo de dezaoito meses, que se contará desde a data da concesión do premio, e entregará á persoa gañadora trinta exemplares da obra editada.
  • A autora, autor ou autores manterán os dereitos para a posible edición da obra en calquera outra lingua distinta á galega. Esta edición non poderá ser realizada, en ningún caso, con anterioridade á edición en lingua galega.
  • A temática das obras será libre, e poderá tratarse dunha historia única ou dun conxunto de historias.
  • O traballo será presentado por duplicado e en exemplares separados, numerados, grampados ou encadernados, da seguinte forma:• O libro terá que estar rematado, tanto en guión como en debuxo.• O formato deberá ser de mancha 26 x 19 cm, ou proporcional.
    • O tamaño dos orixinais: mínimo DIN A4 e máximo DIN A3.
    • A extensión mínima será de 48 páxinas.
    • Para a súa valoración enviaranse copias encadernadas en DIN A4 con calidade láser.
  • Cada obra será presentada baixo o sistema de plica.
  • O prazo de presentación de orixinais comezará o día seguinte (18/5/2016) ao da publicación desta convocatoria no BOP e rematará o día 30 xuño de 2016.
  • Os orixinais serán enviados á Deputación da Coruña, Avda. Porto da Coruña 2, 15006 A Coruña, indicando no sobre “XI Premio de banda deseñada “Castelao”.
  • A composición do xurado darase a coñecer, con anterioridade á súa reunión, no taboleiro e na páxina web da Deputación (www.dacoruna.gal), co fin de que se poidan interpor, se é o caso, os recursos legais pertinentes.
  • O xurado poderá declarar deserto o premio.
  • A decisión do xurado, que terá lugar no segundo semestre de 2016, será dada a coñecer por medio do taboleiro de anuncios e da páxina web da Deputación.

As bases completas aquí.

Presentación dramatizada de “Atila”

atila-castelao-metropoles-delirantes-demoA bd, un mundo sempre inquedo e creativo está a converter as presentacións de libros en actos artísticos por si mesmos, despois da presentación de Destino Hërgüss con concerto de Pülpikk Viaskköm e da performance de Kiko da Silva a pasada semana en Vigo, desta volta Demo Editorial e a Libraría Komic convocan este acto co que presentaran o cuarto número desta serie biográfica de Castelao.

O venres 15 de maio, a partir das 19:15 horas, celebraremos  a presentación de «Atila», cuarta entrega da Colección Castelao. Para a ocasión preparamos un evento moi especial, en Manso Restauranteun espazo máis amplo cá librería e máis axeitado para a representación dramatizada dalgún dos capítulos de Atila que teñen preparada os autores na compaña da actriz Teresa Rodríguez e o músico José Luís Dopico.  Despois haberá a habitual sesión de firmas.

Convírtese nun feito habitual presentar esta novidade como unha maneira de celebrar o Día das Letras Galegas, porque, agás Titoán (2012), premiado pola Deputación da Coruña, tanto O pobre tolo (2012) como Máis alá! (2013) saíron da imprenta nestas datas.

No Metrópoles Delirantes 31 tedes unha longa entrevista con Inacio o guionista da obra.

 

Metrópoles Delirantes 31 – Inacio

inacio-castelao-metropoles-delirantes-nieves-rodriguezVisítanos Inacio, o guionista da bd biográfica de Castelao que edita Demo Editorial e que vai xa pola cuarta entrega. O Sr B inscribe na lista de imprescindibles o Dublinés de Alfonso Zapico obra que gañou un premio nacional de cómic; e con Martín Romero parolamos sen presa do seu Episodios Lunares un libro bonito e ben editado. Coas novas da bd e as novidades que trae Javi da Libraría a Gata Tola completamos esta emisión.

Os temas que sonan no programa son:Castelao-episodios-lunares-metropoles-delirantes

  • Jimmy Cliff – The Harder They Come.
  • Nicolas Jaar – Keep Me There.
  • Cursi – Hoy, Hoy, Hoy.
  • Van Morrison – Rough God Goes Riding.
  • The Legendary Jim Ruiz Group – Last Time.
  • Rui Veloso – Top dos Tops.

A Deputación da Coruña convoca o X Premio de banda deseñada “Castelao”

Deputacion-Coruna-metropoles-delirantesA Deputación da Coruña convoca o X Premio de banda deseñada “Castelao”.

Eís un pequeno resumo das bases:

Poderán participar todas as persoas, maiores de idade, de calquera nacionalidade, que non fosen premiadas nas cinco edicións anteriores, e que presenten narracións en banda deseñada escritas en lingua galega, inéditas e non premiadas en ningún outro premio ou certame.

As obras presentadas poderán ser escritas e debuxadas, cada unha delas, por un máximo de dous autores (un como guionista e outro como debuxante).

O premio é de  6.500 €.

Sigue lendo

El infierno del dibujante de Kiko da Silva editado por Dibbuks

Infierno dibujanteKiko da Silva ven de  anunciar a publicación do cómic “El infierno del dibujante” có que o ano pasado gañou o premio Castelao de BD da Deputación da Coruña, vaino publicar Dibbuks como novidade para o Salón do cómic de Barcelona, ás librarías chegará a finais de Abril.

Nesta edición haberá textos de Miguelanxo Prado, Carlos Portela, Ángel De La Calle e Antoni Guiral Conti.

É unha magoa que a Deputación da Coruña máis de seis meses despois do fallo aínda “non tivera tempo” de editar a versión en galego.

Sinopse:

Manuel Pardo é un debuxante de 72 anos que leva toda a vida adicándose a crear historietas… pero a pesar da súa versatilidade e destreza co lapis, nunca foi quen de publicar ningunha. Cada vez que crea unha historieta descubre que alguén se lle adiantou e publicou unha semellante á súa. Pero o incansable Manuel seguirá tentando ser o máis rápido para lograr que lle publiquen algún dos seus cómics…

Formato: 24,5 cm x 32, 5 cm en Cartoné.

64 páxinas a cor.

Prezo: 16 euros.

Aquí un pequeño adianto.